Ibanomics

Dikarang Ulih Futurist

Ekonomi Iban (Ibanomics)

Chara pendiau, pengidup sereta ulah bansa Iban deka nentuka penyauh singkang sida ba pemansang bisnes, dagang, enggau ekonomi.

Ambika chunto, enti Wat ada sereta besai ba siti ruang bilik ti kurang penatai pemisi (poor), Wat engka ngasaika diri endang datai ari raban orang ti kurang penatai pemisi. Beduduk ari nya, kenyau ari maya agi mit, Wat engka bepikir sereta ngaga chara pendiau, pengidup enggau ulah bechuanka iya ti selalu dipikir sereta digaga orang ari raban sida ti kurang penatai pemisi.

Penyakit “Conditioned”

Apin randau tu panjai agi, ngambika bisi lebas dibacha, randau tu ukai dikena beserekangka pasal penyeranta tauka bejai orang ti seranta! Nadai orang deka milih jalai pengidup ti seranta. Dipelabaka kitai, tentu mayuh orang ingin sereta selalu besampi minta jalai pengidup ti senang.  Randau Ibanomics dikena muka mata enggau runding majoriti bansa Iban ti udah kena jangkit penyakit ti disebut - “conditioned”. Penyakit tu lama bendar udah beserangan ba bansa Iban, ngujungka iya nyadi siti ari penanggul ba dalam pemansang bisnes, dagang sereta ekonomi. Nya mih kabuah dalam timpuh lebih  ari 45 taun udah merdeka, bansa Iban jauh bendar udah tinggal dudi ba pemansang ekonomi. Enda tentu bangat laun enti semua kitai sama-sama bela beratika penyakit “conditioned” tu enda lama… kitai ulih mansang dalam pengawa bisnes, dagang sereta ekonomi sama baka raban bansa bukai ti udah maju.

Randau Ibanomics tu deka dikarang enggau lebih silik agi ba mayuh bagi (part) dudi hari ila. Ba ditu semina alai endur engkah rangkal iya aja. Nya alai, pesan nuju semua temuai ti bisi ngetu mansa ditu, arapka kita anang lembau magi tauka bekunsika runding sereta penemu pasal pemansang ekonomi bansa Iban.

Disclaimer: Nama Wat dikena ba dalam chunto randau di atas nya semina nama pengias aja, nadai ngenang sapa-sapa orang ti agi idup tauka udah nadai.