Model Ekonomi Baru (Part 1)

March 29, 2010 · Filed Under Ekonomi 

Dikarang Ulih Futurist

Nama Reti Model Ekonomi Baru?

Model Ekonomi Baru (MEB) tauka New Economic Model (NEM) ti bisi diperambu perintah dikena nganti Dasar Ekonomi Baru (DEB) tauka New Economic Policy (NEP) patut dibantaika ba parlimen pun bulan  Mar 2010 tu tadi. Tang nitih ka penerang ari mayuh bengkah suratkhabar enggau TV bisi madahka langgur nya deka diinsur ngagai 30 Mar 2010. Kabuah diinsur nadai dipadahka ba dalam berita.

Polisi Ti Udah Diatur:-

1) DEB udah dipejalaika belabuh ari 1971 lalu diketuka dalam ujung taun 1990. Tu mega nandaka pengujung Rangka Rancangan Jangka Panjang Pertama (RRJP 1) .

2) DEB udah nya lalu diganti enggau Dasar Pembangunan Nasional (DPN) 10 taun (1991-2000) ti nyadi teras kena ngemansangka ekonomi Malaysia dipejadika kena 17 Jun 1991.  Tu mega nandaka Rangka Rancangan Jangka Panjang Pertama (RRJP 2) ti dikena beserimbai enggau Wawasan 2020.

 Nama Pekara Teras Bisi Dalam MEB?

Menteri Besai deka mantaika pekara teras dalam MEB pagi ila kena 30 Mar 2010 pengudah iya nerima draf perambu Pelan Transformasi Ekonomi (PTE) tauka Economic Transformation Plan (ETP) ari Majlis Tindakan Ekonomi Negara (MTEN) tauka National Economic Advisory Council (NEAC).  Sama-sama meh kitai nganti nama bagi pekara teras ti bisi dalam MEB enggau silik agi. Naka ti diatu semina 3 pekara aja udah ditemu enggau ngelansa pasal MEB iya nya:-

1) High Income - Polisi tauka dasar ekonomi ti dijangka deka ngemai penatai pemisi kuasa tinggi ke semua rayat Malaysia di nengeri tauka menua pesisir.

2) Inclusive - Polisi tauka dasar ekonomi ti dijangka deka nyungkakka pemansang ekonomi semua pupu raban bansa ba menua tu.

3) Sustainable Economy - Polisi tauka dasar ekonomi ti dijangka deka mai pemansang ekonomi ti enda puntan, diatu lalu datai ke dudi hari ila.

Pengelebih Enggau Pengurang MEB?

Seagi penerang ti silik bedau dibantaika Menteri Besai, kitai empai ulih bejuraika ni bagi pengelebih enggau pengurang MEB! Naka ti diatu agi kelalu tumu.

Tags: ,

Comments

4 Responses to “Model Ekonomi Baru (Part 1)”

  1. uchutedung on April 4th, 2010 5:08 pm

    Manah esei nuan tu kaban. Teruska pengawa ke nulis esei dalam jaku Iban.

    Sekeda leka jaku ke tau diganti enggau jaku Iban (if you don;t mind):
    1. teras = pugu
    2. income = penatai pemisi

    Terima kasih

  2. Futurist on April 4th, 2010 9:00 pm

    uchutedung,

    Terima kasih ngagai sadang nuan unggal. Sekeda leka jaku sengaja enda dikalihka aku dulu. Kabuah pia laban ba pekara ekonomi tusah deka ngalihka semua enggaika reti asal iya jauh limpang. Taja pia, aku enggau naka ulih enti bisi awak selalu nyeruri pos ba ditu.

  3. bagin on May 13th, 2010 8:57 am

    Manah amat esei nuan tu bakih[ka enda pia ngangau].
    Aku rindu bendar macha iya laban iya meri penemu sereta mai penemu ka baru ngagai bala ke macha iya. Tambah mega aku empu pan sigi rindu macha enggau ngarang utai ke baka tu

    Tq

  4. Futurist on May 14th, 2010 11:15 am

    Unggal bagin,

    Terima kasih laban bisi ngetu maya ti mansa blog Mansang Maju. Arapka nuan sama tau enggau mansutka/bejuraika penemu ba ditu mega. Sekali agi aku meri selamat datai.

Leave a Reply