Rega Pemakai Makin Niki: Risiko Ekonomi, Politik Sereta Sosial (Part 2)

March 1, 2010 · Filed Under Ekonomi, Politik, Sosial 

Dikarang Ulih Futurist

Rega Barang Pemakai Udah Balat Niki Dalam Timpuh Berapa Taun Ti Udah

Sekeda Ari Kabuah Rega Pemakai Majak Mar:

  • Peminta makin betambah ketegal ari pengawa: ngeluarka biofuel enggau subsidi; gaji ti betambah ba orang ti diau di menua ti benung mansang (emerging markets); orang mayuh betukar ngagai pemakai ti ngundan protein sereta pengawa ngelalaika barang enggau enda beradat ba orang bedagang (stockpiling). Chunto ba Sarawak apin lama ti udah iya nya suntuk gula maya benung orang ngintu Hari Krismas.
  • Kos barang-barang dikena ngeluarka pemakai (inputs) ti makin tinggi bekaul enggau petrol sereta perengka pengangkut, pengerai enggau buruh, enggau baja.
  • Penusah ari ketegal gaya hari, baka kemarau panjai sereta ampuh bah (extreme weather) sereta ditambahka enggau sekat dagang (trade restrictions).
  • Pengawa orang dagang ti ngaga Market Speculation deka nambahka bekal barang pemakai ba pasar tang apin chukup dikena nyungkakka  stok ti ulih dikena mensia mayuh ti makin betambah.

Sekeda ari leka jaku ti udah kala dipansutka ulih IMF enggau OECD/FAO munyi di baruh tu ngenang penusah rega pemakai ti makin niki:

  • IMF: “The food price surge is expected to take longer than usual to unwind: given expectations of further increase in biofuels production, continued strong growth in emerging and developing economies, and the cost impact of high oil prices.”  Source: “Food and Fuel Prices - Recent Policy Developments, Macroeconomic Impact, and Policy Responses,” IMF, June 2008.
  • OECD/FAO: “…there are now also permanent factors underpinning prices that will work to keep them both at higher average levels than in the past and reduce the long-term decline in real terms…prices also may be more volatile than in the past.”  Source: OECD-FAO Agricultural Outlook 2008-2017, 2008.

Rega Pemakai Makin Niki Tau Mai Penusah Infasi (Rega Barang Nyau Makin Mar Tang Kuasa Beli Mata Duit Majak Nurun)

Penusah inflasi ba orang ti kurang penatai pemisi diau ba menua pesisir tau ngasuh sida nyadi makin ke belakang ba dalam ekonomi:

  • Pangka inflasi ari rega barang-barang komoditi ti makin mar enda sama nitihka menua. Sida deka ngasaika pemedis nitihka berapa peratus sida bebelanja ba sigi barang lebih agi ba senentang barang bekaul enggau pemakai. Ngambika chunto, enti menua pesisir ti nadai datai pemansang jalai alun, perau panjai ti ngena injin kuasa kuda ti balat begunaka minyak petrol tentu deka nyungkakka agi rega barang pemakai dijual ba menua nya. Kabuah pia ungkus mai barang ti dijual ba menua nya mesti ngambi kira ungkus mindah kulu kili ari ketegal rega minyak nyau niki. Semua penusah nya deka diturunka ngagai bala orang ti meli barang laban orang dagang mesti deka ngambi untung ari dagang sida.
  • Pangka inflasi lebih agi berat balat diasaika orang ti diau ba menua ti benung mansang(developing countries). Kitai di Malaysia ditu agi dikumbai menua benung mansang maju; lebih agi ba kandang menua pesisir di Nengeri Sarawak ti agi kelalu jauh tinggal mayuh ba bengkah pemansang taja pan udah lebih 46 taun merdeka enggau ba dalam sekarup Malaysia! Keba orang ti udah dikumbai menua maju (industrialized countries) pan sama balat ngasaika pemerinsa lebih agi enti mayuh bagi ari penatai pemisi mata duit sida dibelanjaka kena meli barang pemakai.
  • Taja pan pangka ari rega asil komoditi betanam betupi bisi udah nurun mimit apin lama ti udah, nya semina surut sementara aja. Dalam kandang timpuh ti panjai ila peminta deka betambah baru lalu pia mega stok barang pemakai ti selalu enda chukup asil ari kabuah-kabuah ti udah dirintaika di atas tau mengkang ngasuh inflasi dipelabaka nadai bisi tau nurun tauka ngetu dalam kadang timpuh ti semak diatu.
  • Taja pan ba dalam lumpar pemansang ke 9 (Rancangan Malaysia ke 9) enggau ke 10 (Rancangan Malaysia ke 10) perintah Malaysia udah mayuh merambu deka nambahka asil barang pemakai ngena chara komesil bedandang besai ngambika tau ngurangka impot barang pemakai ari menua luar, tang chara ngatur semua perambu nya kelalu lubah mai asil ti tau mai penyenang ngagai mensia mayuh (flaws in implementation in view of bureaucracies and corruptions).

Risiko Politik Ba Malaysia

Rega pemakai ti majak mar tau ngelancharka risiko politik, tang ukai kabuah ti tau ngepunka risiko penusah politik nya empu ba menua tu. Penyauh tauka penguat menua kitai napi penusah pangka rega pemakai ti makin mar ulih diperatika ari gaya tingkat risiko baka di baruh tu:

Menua Malaysia:

  • Governance = Low Risk
  • Demographics = Elevated Risk
  • Internal Security = Moderate Risk; and
  • Economy = Low Risk

Penyarut Politik Tau Nyadi Ba Menua Ti Benung Mansang Maju (Chunto Malaysia):

Menua ti seranta tauka miskin penatai pemisi deka balat nerima pangka risiko politik ari rega pemakai ti majak mar. Risiko politik tau mai pulaika penusah baka di baruh tu:

  • Mensia mayuh bepikir tikas penatai pemisi majak enda adil.
  • Penyenang pengidup rayat deka majak nurun.
  • Rayat tau angkat ngelaban perintah ti bekuasa megai menua.
  • Tau ngujungka sekat dalam pengawa dagang (protectionism, anti-globalization sentiment).
  • Penyarut baru tau nyadi mayuh agi; sereta penyarut lama tau nyadi baru.
  • Bisi sekeda segenturung rayat deka nyadi makin miskin penatai pemisi.
  • Ngerampas kuasa, mayuh macham penyarut, protes enggau demonstrasi deka nyadi.

Penutup

Naka ti diatu, apin bisi penyarut besai ari pangka rega pemakai ti majak mar ba menua Malaysia semina sekeda ari nengeri ti dulu suba dipegai BN diatu sida nyau nyadi penyakal ba dalam nengeri nya. Enda lama agi bisi perambu perintah deka nikika rega petrol 20 sen dalam seliter bulan Mei 2010. Atur tauka polisi tu tau nambahka inflasi baru ba mayuh bengkah rega barang maya nya ila; iya ga beserimbai enggau Hari Gawai Dayak 2010!

Tang ba menua bukai mayuh macham penyarut udah nyadi dalam timpuh 2 taun ti udah lalu. Di baruh tu sekeda ari pekara ti bisi udah nyadi:

  • “If the government cannot lower the cost of living it simply has to leave. That’s our decision…If the police and U.N. troops want to shoot at us, that’s OK, because in the end if we are not killed by bullets we’ll die of hunger.” - Renand Alexandre, protestor in Haiti.
  • More than 70 countries around the world have expereinced food-related riots. - UN World Food Programme.

Tags: , ,

Comments

Leave a Reply