“Race Column” Dalam Pom Ba Upis Perintah
Dikarang Ulih Futurist
Race Column, Bangsa Tauka Etnik Ba Semua Pom Perintah
Apin lama ti udah dalam minggu tu, perintah bisi merambu deka ngelengka tauka muai Race Column tauka Bangsa ba dalam pom ti bisi diisi mensia mayuh ba upis perintah. Sida penulis berita empai tentu nyentuk ba kupas berita ti dipansutka sida sekalika pekara tu diketuka ba dalam semua pom tauka dipejalaika berenggat. Pekara tu endang selalu amat dipejuraika bala NGO ti ngansak perintah ari suba ba senentang pengawa diversity enggau fairness ba orang ti bekereja dalam upis perintah (government servants).
Economic Penalty?
Pom ba semua upis perintah ti ngasuh mensia mayuh madahka Race tauka Bangsa sida endang dipelabaka bisi mai economic penalty ngagai orang ti berisika pom nya. Ambika chunto quota anembiak ti masuk ngagai tikas pelajar ti tinggi agi baka ba universiti dulu suba bisi ditentuka ngena demographic data. Data tu endang berupai bepinang benibung laban pengawa ti ngerejista anembiak masuk universiti enda tentu bepelasarka atur ti betul nitihka pemandai sida.
Nama Guna Demographic Data?
1) Kena ba pengawa upis perangkaan (statistics) enggau census (banci).
2) Enti data ti disimpan dikena amat bejalaika polisi dikena munaska penyeranta ba menua tu, nya endang siti pekara ti manah amat. Ba senentang tu mayuh orang agi nyukung data tu agi tau dikena ba information gathering such as census (banci) ngambika nyamai ngaduka aum enggau perambu pemansang ti betul nguntungka raban ti patut ditulung (chunto ba raban orang Bumiputra).
3) Pekara ti bisi ngasuh mensia mayuh balat enda senang ati iya nya ba senentang penimpang data baka tu engka tau dikena orang ti enda lurus ati bejalaika polisi ti bechiping bepelasarka chura kulit siku-siku.
Religion Column?
Naka ti diatu, apin bisi langgur data tu deka dibuai ari pom ba upis perintah. Pekara tu mega sigi pekara ti selalu bendar dipejuraika ngelama tu - controversial. Tu mega ulih nentuka pejalai enggau pemujur orang ti bekereja ba upis perintah ba senentang chara nikika tikas pangkat enggau gaji sida. Enti Race column ulih dibuai ari pom, Religion column mega patut diperundingka sida.
Fair Employment Practices And Diversity
Dua iti pekara di atas nya Race enggau Religion agi meruan nyekat fair employment practices and diversity ba mayuh bengkah upis perintah. Menua Malaysia tau bulih mayuh pengerugi lalu jauh tinggal singkang pemansang enti dibandingka enggau menua bukai enti sema pekara di atas nya enda dipejalaika enggau betul. Seagi-agi mensia mayuh skeptical enggau pangan diri enti sida meruan bepelasarka Race enggau Religion ba endur bekereja, mayuh pengawa enda ulih tepujur. Tu tau ngujungka penusah ti dikumbai orang brain drain ti alai orang ti rinduka diversity mindah ngagai menua bukai ti bisi ngembuan fair employment practices and diversity.
Comments
One Response to ““Race Column” Dalam Pom Ba Upis Perintah”
Leave a Reply
-
Provided by votectdirect.com .
Manah entri sekali tu.
Kekadang pekara ti klise(cliche) pan kitai enda sedar.