Can We Change Our Life?
Written By Futurist
Status Quo
The rich populations of Sarawak have a strong interest in maintaining the status quo because it protects their privileged lifestyle. Many of them made their wealth through nepotism, corruption and ‘deals’ with officials who award their ‘partners’ lucrative contracts especially within the circle of people in power.
The vast majority of the population (especially rural folks) would consider themselves fortunate if they earn RM100 per week (many earning lesser than that). In this state of about 2.5 million people, some still yet to enjoy the fruits of development (basic development - purified water, electricity supply, basic access road) despites more that 45 years of independence.
Ibanomics (Part 1)
Dikarang Ulih Futurist
Takut Deka Mujur (The Fear of Success)
Selalu bendar kitai ninga serebana orang takutka diri enda mujur dalam pengawa ti dikereja sida. Nya endang ulah pengirau ati ti normal selalu didinga kitai nyadi ba pikir semua mensia. Bisi mega ulah kitai mensia takutka pemujur. Dia meh alai ulah pengirau tu bisi nyelai mimit.
Kitai selalu bendar takut ngambi risiko enggau masuk ba pengawa dagang tauka bisnes. Kitai nyerahka pengawa nya digaga bansa orang bukai lalu kitai nyamai agi nyadi orang pemeli aja (default thinking that holding us back for ages).
Dipelabaka, aku empu pan engka enda jauh meh baka kitai ti bukai, terubah iya udu takut ngujika pekara ti baru lalu takutka diri empu enda ulih ngaduka pengawa enti iya udah mujur. Tu meh penanggul ba bansa kitai ti nyekat kitai ari maju ke mua - lalu nya kabuah kitai selalu nyamai agi nitih aja (followers) ari ti nyadi ketuai orang matak bala (leaders).
1Malaysia
Dikarang Ulih Futurist
Nama Reti 1Malaysia Ti Bendar?
Sekumbang Menteri Besai menua Malaysia ti baru - Datuk Seri Najib Tun Razak megai kuasa belabuh ari 3 April 2009 udah mansutka penemu iya pasal concept 1Malaysia (1M), mayuh bendar orang bejuraika penemu tu ba mainstream media sereta alternative media lebih agi ba portal enggau blog. Bisi mega orang setuju nyukung penemu iya, lalu mayuh mega ti enda setuju. Apin jurai tu panjai ka agi, dulu kitai tau meda quote pasal reti enggau tuju 1M ti disadangka Menteri Besai Malaysia diambi ari website iya empu ba www.1malaysia.com.my/ munyi tu:
” 1Malaysia is intended to provide a free and open forum to discuss the things that matter deeply to us as a Nation. It provides a chance to express and explore the many perspectives of our fellow citizens. What makes Malaysia unique is the diversity of our peoples. 1Malaysia’s goal is to preserve and enhance this unity in diversity which has always been our strength and remains our best hope for the future. I hope this Website will initiate an open and vital dialogue exploring our Malaysian identity, purpose, and direction. I encourage each of you to join me in defining our Malaysia and the role we must play in its future. Each of us - despite our differences - shares a desire for a better tomorrow. Each of us wants opportunity, respect, friendship, and understanding. “ Read more
Mata Pelajar English ba SPM
Dikarang Ulih Futurist
Polisi Pemansang Sekula - Medium of Instruction
Suah bendar kitai beratika polisi pemansang sekula ba menua kitai tu kelalu balat diubah peneka ati. Udah polisi diubah, udah nya lalu bisi ga perambu deka ngubah baru. Agi suba apin tengan taun 1980’s, nengeri Sarawak meh ti penudi ngena English medium ba sekula. Pengudah nya semua anembiak ba sekula lalu ngena Bahasa Malaysia (diatu disebut Bahasa Melayu). Maya agi ngena English medium suba, mayuh orang pandai bejaku ngena leka jaku English. Polisi pemansang sekula selalu amat berubah. Nadai salah ga berubah, tang enti polisi nya enda diperujaika enggau manah apin dipejalaika ba sekula di menua tu tau ngujungka bala anembiak rugi. Kitai pan sama bela nemu orang ti ngubah polisi tu iya nya orang politik. Ba orang politik, sukung ari rakyat ti ngundi nya meh lebih diguna sida ari ti amat bejalaika polisi pemansang sekula enggau lurus ati dikena nempa pendiau anembiak sekula.
Ngajar Mathematic Enggau Science Dalam Jaku English
Polisi ti ngajar mata pelajar Mathematic enggau Science ngena English endang polisi ti manah. Mayuh amat penguntung ulih ari ngajar dua iti mata pelajar tu ngena English. Kabuah pia mayuh amat penemu lama tauka baru ba mata pelajar dua iti nya endang dipejuraika dalam English. Enti anembiak udah dilatih ari biak berunding ngena English, dia alai sida nadai penusah maya sida neruska pelajar sida ngagai tikas ti tinggi agi ba universiti. Nyau ka semua teori Mathematic enggau Science endang dipejuraika orang dalam English. Nya alai, enti anembiak sekula teleba ngena English ba dalam dua mata pelajar nya, sida nadai penanggul belajarka penemu baru. Sida pan enda ibuh kiruh muai jam bekalihka reti leka jaku ari English ngagai Bahasa Melayu. Bup pasal tikas penemu ti lebih tinggi sereta udah maju mega mayuh dikeluarka dalam jaku English ti nyadi lingua franca dikena orang bedagang enggau bisnes dalam dunya tu. Read more
Begagaka Nama
Dikarang Ulih Futurist
Begagaka Nama Bala Anak
Puas ti macha sereta beratika mayuh berita pasal classification of ethnics Dayaks ba suratkhabar seminggu ti udah , runding pan lalu tekuing nanya ba dalam ati din - bisi tauka nadai pekara ti bekait enggau nama, iya nya leka jaku ‘Anak’ ba dalam nama anembiak bansa kitai nulung tauka ngenusahka sida bepekit dalam pemansang pengidup enggau anembiak bansa bukai? Sekeda ari kabuah kitai engkah ‘Anak’ ba nama sida ngambika senang ngelala asal sida. Lebih ari nya, pekara tu agi tau dibuka dalam randau enggau jurai pemansang bansa kitai.
Apin randau tu panjai agi, aram meh kitai ngenang pengagit apai-indai begagaka nama ka bala anak sida. Laban ati ti siru sereta andalka anak nya tadi tau nyadi orang ti menyana maya udah besai jemah ila lebih agi enti udah manggai ba umur iya besekula, dia alai apai-indai meri nama ti manah. Sekeda ari apai-indai bisi ngaga nama anak sida ngangkatka nama orang berani dulu kelia. Bisi mega meri nama ti jarang didinga (western and modern). Enda kurang mega meri nama ngangkatka aki-ini dulu kelia. Nya dikena ngingatka peturun diri empu (surname), awakka peturun enggau tusut sida ulih temu dudi hari. Dalam pekara tu, kitai bisi sama enggau chara bala sida Westerners ba senentang begagaka nama. Kati ba runding bala mayuh, ni penyauh nama ti diberi tau nentuka tunga pejalai pemansang ba pendiau sereta peluang sida maju dalam pengidup?
Nama Bisi Mai Leka Jaku ‘Anak’ Mai Economic Penalty?
Tanya di atas nya ukai mai reti kitai muai leka jaku ‘Anak’ ba dalam nama anak kitai. Sebedau bejuraika tanya di atas nya jauh agi, aku deka mai kitai pulai ngagai classification bansa kitai ti disebut orang ‘others(please specify)’ tauka ‘lain-lain(sila nyatakan)’ ba dalam mayuh pom ti diisi kitai lebih agi pom ba opis perintah ngelama tu. Read more
-
Provided by votectdirect.com .