Hari Gawai Dayak Jemah Ila
Dikarang Ulih Futurist
Kini Tuju Enggau Reti Gawai Jemah Ila?
Pos tu nyambung pos ti dulu ari tu senentang kini tunga ubah chara Hari Gawai Dayak deka diintu dalam timpuh 20-50 taun ti deka datai. Aram meh kitai beratika pekara tu ari tinjau ti lain mimit - looking through alien eyes. Randau tu bisi panjai mimit ari pos ti dulu awakka tau nenak agi. Nya meh kabuah chara ngerintaika tikas randau tu engka bisi lain ari ti selalu dibacha sereta dipeda kitai ngelama tu.
Gawai Chara Baru
Aram meh kitai ninjau tanya di atas nya ari lima bengkah lebas ti dirintaika di baruh tu:
1) Jurai Lumur 1 : Gawai Kelia/Gawai Diatu
2) Jurai Lumur 2 : Atur Ba Rumah Panjai/Nengeri
3) Jurai Lumur 3 : Orang Tuai/Anembiak
4) Jurai Lumur 4 : Dayak Asal/Penakan
5) Jurai Lumur 5 : Adat Main Asal/Pemerindang Baru (alternative) Read more
Hari Gawai Dayak
Dikarang Ulih Futurist
Asal Hari Gawai Dayak
Peremisi Hari Gawai Dayak diungkupka ngagai bala asal Dayak di menua Sarawak; baka bansa Iban, Bidayuh, enggau mayuh sub-ethnics ari Orang Ulu - Kayan, Kenyah, Kelabit, Murut, enggau mayuh agi ti enda ulih ditiuka ba ditu. Sejarah Hari Gawai Dayak ulih dipansik pulai ngagai taun 1957 kelia. Pengerami Hari Gawai Dayak dipejadika (gazetted) nyadi sebengkah ari Hari besai ba menua Sarawak kena 25 September, 1964. Beduduk ari nya, Hari Gawai Dayak ti keterubah diintu kena 1 Jun, 1965. Pengudah ari nya, iya lalu diintu tiap taun sampaika hari tu.
Reti Gawai
Reti leka jaku Gawai sama enggau pengerami. Nya meh kabuah enti orang bisi rami disebut kitai baka tu - “munyi ti begawai.” Maya ngintu Hari Gawai mayuh bendar pengawa diaduka beserimbai enggau pengerami nya. Sigi batang pengawa iya nya meri besai terima kasih ngagai Tuhan tauka Petara laban udah bulih asil ari kereja bumai betaun. Read more
Pemansang Pengerai
Dikarang ulih Futurist
Nama Kabuah Bejuraika Pemansang Pengerai?
Semua kitai selalu ngarapka diri empu mansang maju dalam semua pengawa ari taun ti udah. Pia mega kitai selalu ngintu diri empu enggau diri sebilik kena beberekat semengat enggau pengerai. Mayuh meh chara kitai minta ngena leka sembiang enggau sampi nitihka pengarap diri empu. Taja chara pengarap ti dikena kitai minta nya tadi engka bisi enda sama, tang tuju iya tetap sama. Kitai sembiang sereta besampi minta gerai minta nyamai, minta chelap minta lindap, minta gayu minta guru, lalu mujur dalam semua pengawa ti dikereja.
Pengerai Tubuh Nyadika Pemun Pemansang Bukai
Apin kitai mansang dalam pengawa bukai, kitai empu mesti deka nyaga pengerai diri. Enti kitai enda tentu pengerai, nya alai pengawa tua selalu bendar deka nanggul pemansang bukai. Nya meh kabuah kitai nadai bekiraka pemisi duit enggau ringgit enti kitai beridupka nyawa diri empu enggau diri sebilik enti maya kitai bisi kena sakit lengit renga pedera. Semua kitai tentu setuju, nadai tentu bisi reti ga enti kitai mansang dalam pekara bukai enti tubuh kitai enda tentu pengerai. Nya alai, jaga meh pengerai diri empu awakka tau nyadi pemun apin kitai berunding deka ngemansangka diri dalam pekara bukai. Enti kitai ngasaika pengawa ti dikereja bisi mai kitai salah jalai, bisi mai pengerusak ngagai pengerai tubuh sereta runding, kitai tau ngurangka pengawa nya. Read more
-
Provided by votectdirect.com .